Buong pamilya ni Pacman lalabas sa TV commercial!
TAKE IT! TAKE IT! Ni Lolit Solis Updated July 15, 2009 12:00 AM


Sold out na pala ang mga Victorinox watch ni Manny Pacquiao kaya hindi na siya nag*karoon ng presscon.

Isang libong relo na limited edition ang ginawa ng Victorinox para kay Manny pero ma*bilis na naubos ang relo. Ganyan ka-in demand ang mga produkto na ini-endorso ni Manny.

Mabuti na lang, nagkaroon ako ng Pacquiao Victorinox watch bago ito naubos. Kung matatandaan ninyo, ikinuwento ko sa inyo na naharbatan ko si Manny ng relo nang magkita kami noong nakaraang buwan sa coffee shop ng EDSA Shangri-La Hotel.

Kung hindi ko naharbatan si Manny, hindi ako magkakaroon ng collector’s edition watch na sadyang ginawa ng Victorinox para sa kanya.

Malapit nang ipalabas ang TV commercial ng Pacquiao family with the special par*ticipation of Mommy Dionisia.

Hindi pa puwedeng sabihin ang name ng produkto pero kasali sa TV commercial ang mga anak nina Jinkee at Manny.

Malaki ang tiwala ng mga advertisers kay Manny dahil talagang bumebenta ang mga product endorsements niya.

Magpapatalbog ba si Jinkee? Hindi, dahil sa susunod na buwan, isang malaking presscon ang ipapatawag ng Belo Medical Clinic para kay Jinkee.

Si Jinkee ang endorser ng isang Belo product na malaki ang naitulong sa kanyang mabilis na pagpayat. Seksing-seksi na uli si Jinkee matapos nitong isilang ang pang-apat na anak nila ni Manny dahil sa tulong ni Dr. Vicki Belo.

Palaging shorts ang suot ni Jinkee mula nang pumayat siya. Eh ang ganda-ganda ng kanyang legs at if you have it, flaunt it ’no!

Maghapon akong nagtulog noong Lunes kesehodang nasa Singapore ako. Hin*di na ako su*mama sa Night Safari tour dahil mas inatupag ko ang pag*papahinga.

Kahapon naman, rumampa lang ako sa supermarket para bumili ng mga prutas dahil type na type ko ang matatamis na mangga sa Singapore.

Hindi na ako namasyal sa Orchard Road porke nag-concentrate ako sa panonood ng TV.

Nasa ibang bansa man ako, updated ako sa mga showbiz happenings sa Pilipinas dahil sa mga kuwento ng mga kasama ko na aligaga sa texting at pagkal*kal sa kanilang mga laptop.

Wala akong alam tungkol sa Facebook at Farmtown pero ito ang favorite topic ng aking mga kasama kaya malapit na akong maka-relate sa kanilang favorite past time.

Nag-declare na pala si Senator Loren Legarda ng candidacy sa pagka-presidente ng ating bayang magiliw.

Very close si Mama Loren kay Mother Lily Monteverde kaya siguradong suportado ni Mother ang kanyang kandidatura.

Love na love ni Mother Lily si Mama Loren. Palaging nagpapatawag si Mother Lily ng presscon para kay Mama Loren kapag kumakandidato ito. Parang si Mama Loren ang panganay sa kanyang mga anak kaya naman laging present ang senadora sa mga special events sa buhay ni Mother Lily.

Hindi ako magugulat kung magkaroon si Mama Loren ng special participation sa mga pelikula na ginagawa ni Mother dahil ibibigay nito ang lahat ng suporta para sa kanyang favorite senator.

***************

talo namin ni lola techie si lola lolit. ako nga ngayon ay di lang basta addicted sa FB, pati na din sa SUPERPOKE PETS.

Facebook accounts ni Lucy, peke
SEEN SCENE Updated July 15, 2009 12:00 AM


SEEN : Ang clarification na walang Facebook account si Lucy Torres.

Fake ang mahigit sa dalawampung Facebook account na nasa pangalan ni Lucy.

SCENE : Nakakairita ang spoof ni RR Enriquez kay Ruffa Gutierrez sa Banana Split.

Hindi siya kasing-husay sa panggagaya ni Angelica Panganiban kay Kris Aquino.

SEEN : Hindi gimik ang pagbibigay ni Piolo Pascual ng pabango kay KC Concepcion.

Totoong binigyan niya si KC ng pabango ngunit hindi masyadong popular ang brand ng perfume.

SCENE : Nanalo ng P3.2 M ang grupo nina Mark Herras, Rainier Castillo, at Janna Roxas sa season ender episode ng Hole in the Wall.

Matagal nang kumalat ang balita kaya hindi na ito dapat gawing pahulaan.

SEEN : Ang balita na hiwalay na si Kaye Abad sa kanyang boyfriend na si Chito Miranda ng Parokya ni Edgar.

Nakadagdag-init ito sa tsismis tungkol kina Dennis Trillo at Kaye.

SCENE : Inaabangan ang pagsisimula ng Darna ni Marian Rivera dahil nagpupustahan ang mga fans niya na mapapantayan ng kanyang show ang mataas na rating ng Darna noon ni Angel Locsin.

SEEN : Mataba si G. Toengi nang sumayaw siya sa ASAP ’09 noong Linggo.

Miss na miss na niya ang local showbiz.

SCENE : Kailangang i-reinvent ni Enchong Dee ang sarili. May sawa factor siya at hindi sila nagkakaiba ng kanyang kapatid na si AJ Dee.

Ryan Agoncillo mahirap nang talunin sa TV hosting
SANGA-SANGANDILA Ni Veronica R. Samio Updated July 15, 2009 12:00 AM


Plus factor ng programang Talentadong Pinoy na napapanood sa TV5 every Sunday evening ay ang host nitong si Ryan Agoncillo. It was also TV5 who gave Ryan the chance to host the very first Philippine Idol.

Hindi man nasundan ang unang episode ng popular na palabas sa TV sa US, nakilala na ang kahusayan sa paghu-host ng aktor na hindi ko malaman kung bakit sa pag-arte ay nabibigyan ng project ng kanyang home network, ang ABS-CBN, at maging ng GMA 7 na kung saan siya ay napapanood din, gayong mas magaling siyang host.

Yes wala yatang bahay ang hindi naka-on sa Talentadong Pinoy tuwing Linggo ng gabi dahil sa kakaibang talento na ipinakikita ng maraming Pinoy gayong may mga katulad din na programa sa ibang network na pwede nilang salihan. Baka mas malalaki pa ang premyong mapapanalunan.

Ang maganda kay Ryan, hindi niya kailangan ng co-host. Kaya niyang magdala ng isang show na mag-isa. Feeling ko pa nga mas makakabawas pa ng kanyang effectivity sa show kung may kasama siya. Pero pwede siyang magkaroon ng co-host, he’s one personality na pwedeng mag-blend sa sinumang kanyang makasama. Isa pa rin ito sa kanyang talento. Hindi siya maramot, marunong siyang mag-adjust.

Kung mari-realize lamang ng kanyang network ang pambihirang talento ni Ryan o kaya ay kunin siya ng ibang network para maging host, I’m sure Ryan will become Philippine TV’s “The Host.”

Parang diring-diri naman si Kris Aquino sa balita tungkol sa isang showbiz personality na inabot ng isang buwan na hindi naliligo. Hindi niya maintindihan kung paano tumagal ng isang buwan na hindi naliligo gayong siya ay kailangang maligo araw-araw (at ilang beses pa) to survive.

Lumabas na si Giselle Sanchez pala yung kinailangang hindi maligo dahil sinunod niya ang isang Chinese post-partum practice (ge lai) para sa mga babae na kakapanganak pa lang. Sa paraang ito, agad bumabalik sa normal hindi lamang ang katawan niya kundi maging ang pakiramdam niya.

Sa loob naman daw ng isang buwan ay hindi naman siya naging marumi dahil nagpupunas siya palagi at nagpapabango, bukod pa ito na nasa air conditioned room naman siya at hindi nagpapaaraw kaya hindi rin siya pinagpawisan.

Pinangatawanan ni Piolo Pascual ang pagiging producer niya ng Kimmydora, ang launching film ni Eugene Domingo. Nanatili siya sa likod ng camera at ipinamahala na lamang ang pag-arte sa inilulunsad niyang bituin na si Eugene at sa kaibigan niyang si Dingdong Dantes na kinuha niyang bidang kapareha ni Eugene.

Hindi kataka-taka kung papurihan man ni Eugene ang lalaking sumugal sa kanyang talino, pero para manggaling ang papuri sa itinituring na karibal ni Piolo sa pagiging aktor na si Dingdong, ibang klase na yun.

Pinapurihan ng huli ang tapang ni Piolo para gumawa ng pelikula sa panahon ng krisis. Lalong hinangaan niya ang pagiging maalalahanin nito sa kanyang mga workers. Madalas ito sa set at tinitingnan ang kondisyon nilang lahat.

Samantala, bukod sa pagpoprodyus niya ng pelikula, pinagbubuhusan ng panahon ni Piolo ang pagiging close sa kanyang kapareha sa Lovers in Paris na si KC Concepcion.

Tingin nga ng marami ay nanliligaw na siya sa dalaga. Para bigyan niya ng pasalubong ng limang taong supply ng pabangong Frederic Malle, na isang sikat na pabango sa Paris at may kamahalan ang halaga. Hindi ito ginagawa ng isang nagpapa-impress lamang kundi ng isang lalaking talagang may saloobin sa isang babae.

Gretchen kay Claudine magpapaturong umarte
THAT'S ENTERTAINMENT Ni Master Showman Kuya Germs Updated July 15, 2009 12:00 AM


Nagkatotoo na na*man ang kasabihang wala nang mas lalapit pa sa mga taong pinag-isa ng dugo. Mag-away man sila, mananaig pa rin ang pagiging mag*ka**dugo nila sa tamang panahon.

May ilang panahon ding ’di nagkita ng eye to eye ang magkakapatid na Barretto na sina Gretchen, Marjorie, at Claudine pero dumating din ang panahon na na-realize nilang iisang dugo lamang ang dumadaloy sa kanilang mga ugat kaya ngayon, they are the best of sisters.

Nasa Amerika ngayon si Gretchen para tingnan ang kanyang unica hija na si Dominique na sumama sa isang theater camp sa New York (susunod ba ito sa kanyang mga yapak?). Hindi magkasama ang dalawa dahil gusto ni Gretchen na bigyan ng feeling of independence ang kanyang anak. Hindi siya nagpapakita sa anak, pero gusto niyang iparamdam dito na nandun lamang siya for her. O, laban kayo dyan?!

Pagbabalik niya ng Maynila ay gagawa si Grethen ng isang teleserye kasama ang kapatid na si Claudine. At hindi siya nahihiyang sabihin na hihingi siya ng mga acting tips sa nakababatang kapatid dahil tanggap niya na mas magaling itong artista kesa sa kanya. Pinapalakpakan kita Gretchen. Nag-mature ka nang talaga.

Hangga’t hindi tumitigil sa kanyang pag-inom si Baron Geisler ay hindi titigil ang mga hindi magagandang balita tungkol sa kanya. Kahit na isang bote lamang ang ininom niya, hindi ito ang iko-consider kundi ang mismong pag-inom niya.

Dahil doon umano ay nagkainitan sila ni Aljur Abrenica sa isang fight scene na ginawa nila. Nasipa ito ng hindi sinasadya ni Aljur at nagkapikunan na. Ang siste, pareho silang naghihintay na may mag-sorry sa nangyari.

Aba at mukhang seryoso na talaga sa isa’t isa ang anak-anakan kong si Billy Crawford at ang girlfriend niyang si Nikki Gil. Nag-uusap na raw ang mga ito tungkol sa kasal.

Wala akong masamang nakikita rito, nasa edad na sila pareho. As if naman blushing teeners pa sila eh nasa mid-20s na sila. At sabi nga nilang pareho, seryoso ang relasyon nila, siyempre, sa kasal ang tungo nito kung saka- sakali. Pero hindi naman ibig sabihin ay ngayon na ito mangyayari. Hindi pa naman, may career pa rin sila na inaasikaso.

Si Marian Rivera pala ang pinili ng personal ni Jinkee Pacquiao para makapareha ng kanyang asawang si Manny Pacquiao.

Naisip niya siguro na bukod sa sikat ay hindi na maa-attract sa kanyang asawa dahil mayroon na itong Dingdong Dantes?

wala e... saka baka may magselos...

Piolo Pascual wants to reinvent himself as an actor through indie films

Nora Calderon

Tuesday, July 14, 2009
05:27 PM








Humarap sa PEP (Philippine Entertainment Portal) at iba pang entertainment press si Piolo Pascual with directors Adolfo Alix Jr. and Raya Martin for the presscon of his indie film, Manila, kaninang tanghali, July 14, sa Max's restaurant, Sct. Tuazon, Quezon City.



Sa July 22 magsisimula ang regular run ng indie film shot in 16mm at blown up to 35mm. Pero ang Manila ang magiging opening film sa Cinemalaya Film Festival sa Cultural Center of the Philippines Main Theater, July 17.



Last year pa nagawa ang indie film na nagtatampok din kina Rosanna Roces, Angelica Panganiban, William Martinez, Jay Manalo, Jon Avila, Alessandra de Rossi, Iza Calzado, Baron Geisler, Jiro Manio, at Anita Linda.



Bakit natagalan bago ito ipalabas dito sa Pilipinas?



"Hinintay kasi naming ma-approve for exhibition ito sa Cannes Film Festival," paliwanag ni Piolo. "Kapag gusto mo kasing maipalabas ito sa Cannes, kailangang hindi muna ito maipalabas kahit saan."



Nag-lobby ba sila para makapasok ang movie nila for exhibition sa Cannes?



"Hindi naman," sagot ni Piolo. "Nag-submit lang kami ng DVD copy at baka makapasok. Nalaman namin na 50 films ang nag-submit and we didn't expect na makakapasok kami. Kaya ang gulat namin nang tumanggap kami ng invitation that Manila will have a grand premiere sa Festival de Cannes."



Ano ang naging feeling niya nang lumakad na sila sa red carpet ng 61st Cannes Film Festival?



"Nakaka-overwhelm to have a foreign audience na nanood ng movie," sambit niya. "It was our pride to represent our country and thankful din kami sa support ng mga Filipinos who were there at the festival."



REINVENTION. Natawa naman si Piolo sa tanong na parang hindi siya satisfied sa mga ginagawa niyang movies sa Star Cinema at naisipan pa niyang mag-produce ng sarili niyang pelikula.



"No. Let's just say I want to grow at hindi malimitahan ang kakayahan ko bilang isang aktor. I just want to reinvent myself. Ngayon ko lang sasabihin, pero that time na naisipan naming mag-produce ng Manila, hindi masyadong malaki ang fund ko noon dahil may iba pa akong investments. Halos walang laman ang savings ko.



"Kaya kami nina Direk Adolf," patuloy niya, "naghanap din kami ng puwedeng sumama sa aming mag-produce, kaya MJM Productions at ang Bicycle Pictures ni Direk Adolf ang nag-present nito. Kaya trabaho ako nang trabaho after that. Naging inspiration ko rin na after ng Cannes, madadala namin ito sa iba't ibang international film festivals."



Nagbayad din ba siya ng talent fee sa mga artista niya?



"Yes, lahat sila may bayad, except for Angelica Panganiban. Tulong na raw niya sa amin 'yon, kaya I'm very thankful to her."



Inabot din daw ng almost ten million pesos ang ginastos nila para sa Manila hanggang sa maipalabas ito sa Cannes.



DREAM PROJECT. May gusto pa raw gawing pelikula si Piolo na puro lalaki ang cast, na tipong Ocean's 11, ang Hollywood film na pinagbidahan nina George Clooney, Brad Pitt, at Matt Damon.



"Gusto kong makasama sina John Lloyd Cruz, Billy Crawford, Luis Manzano, John Prats, at Vhong Navarro. Mahirap gawin dahil sa mga schedules namin, pero dream project ko 'yon," sabi ni Piolo.



Sa mga naiisip niyang project, hindi ba parang kinakalaban na niya ang Star Cinema?



"Hindi naman," sagot ni Piolo. "You don't bite the hands that feed you. Empleyado lang ako ng ABS-CBN at Star Cinema. Mga indie films lang naman ang gusto kong gawin dahil hindi ko naman kaya ang mainstream movies."



KIMMY DORA. Pagkatapos ng Manila ay nag-produce ulit ng pelikula si Piolo at ang kanyang mga kasamahan. Ito ay ang launching movie ni Eugene Domingo na may titulong Kimmy Dora: Kambal na Kiyeme. Leading man dito ni Eugene ang Kapuso star na si Dingdong Dantes.

Bakit mga Kapuso stars at hindi Kapamilya stars ang kinuha ni Piolo sa pelikulang ito?



"Hindi naman. Ang isa pang katambal ni Uge, si Zanjoe [Marudo] is a Kapamilya. Nang simulan namin ang concept nito, nasa ABS-CBN pa si Uge [Eugene]. Nagkasama kami ni Dingdong sa TV commercial ng Pond's at nalaman kong gusto rin niyang mag-produce. Hindi naman siya tumanggi nang i-offer ko sa kanya na maging leading man ni Uge. Kinalimutan namin ang network war at gusto naming makapagbigay ng isang magandang pelikula," paliwanag ni Piolo.



KC CONCEPCION. Hindi ba niya naisip na gumawa ng indie film, isang love story na sila ni KC Concepcion ang magkatambal?



"Alam ko, gusto rin niya. Pero kung love story, dapat naiiba 'yon na magugustuhan ng mga tao," sagot ng matinee idol.



Kinumusta naman kay Piolo ang panliligaw niya kay KC. Bakit "five-year supply of perfume" ang pasalubong niya kay KC mula sa huling biyahe niya sa U.S.?



"I'd rather not talk about it. Siguro sa kanya na lang ninyo itanong. Basta all I can say ay she's somebody special to me. Okay naman ang Mommy Sharon [Cuneta] niya, and she's very supportive to her. Naka-focus muna kami ngayon sa teleserye namin, ang Lovers In Paris," pagtatapos ni Piolo.

Burglars break into Anne Curtis's house

Bong Godinez

Tuesday, July 14, 2009
07:07 PM


article




Actress Anne Curtis braved an unfortunate incident to grace the press conference prepared by popular local pizza chain Greenwich today, July 14, at the Robinsons Galleria in Ortigas, Pasig City.



Anne endorses the brand's Lasagna Supreme, and the special gathering was organized to introduce the menu's upgraded fine ingredients along with its accompanying television commercial starring the 24-year-old Filipino-Australian actress-model.



At the press conference, Anne confided that her house was burglarized at dawn today while she was out on a taping. Anne's house companion was reportedly asleep at the time of the intrusion.



"I'm just grateful na walang nasaktan...only bag and some clothes lang ang nakuha, which is very odd," said Anne to PEP (Philippine Entertainment Portal) and other members of the entertainment press.



The matter was already brought up to the authorities and an investigation is being conducted at press time to determine the motive behind the crime. And so, Anne would rather not discuss every single detail to the media, for now.



She added: "It's something really sad na nangyari, but we just have to take more safety precautions next time."



Anne's lovelife is also a matter of great interest to press. When probed about her heart's current condition, The Wedding lead star chose to flash a meaningful smile without admitting the true status of her romantic life. Anne affirmed the rumor, however, that she's currently seeing a non-showbiz guy.



What lesson about love did she learned from the past? Anne just said, "Siguro I'm just gonna take my time to be sure and we'll see, we'll see kung anong mangyayari in the future."

eh di sana nakisukob ka under someone's umbrella ella ella eh eh eh eh...

Angel Aquino reunites with F! co-hosts Daphne Oseña-Paez and Cher Calvin

Nerisa Almo

Wednesday, July 15, 2009
10:21 AM


article




Many years after the fashion magazine show F! aired its final episode, actress and TV host Angel Aquino was reunited with one of her co-hosts on the show, Daphne Oseña-Paez. Angel joined Daphne as ambassador for Olay Total Effects. The event was held yesterday, July 14, at the Mandarin Oriental Manila in Makati City.



"You know, this is the first time to be together!" exclaimed Daphne as Angel sat beside her onstage.



Angel and Daphne, together with Cher Clavin, built a personal relationship with each other when they were still hosting the late-night weekend program of ABS-CBN called F!, which started in 1999.



After seven years, the three F! girls went their separate ways—Angel is now part of the magazine show called Us Girls on Studio 23; Daphne is busy hosting her infotainment program called Urban Zone on ABS-CBN; and Cher, who once worked with the international media outfit CNN, is now a reporter in the TV station KLTV in Los Angeles.



Angel expressed how much she missed Daphne. She said, "After F, we would try to see each other at least once a year, you know. But every time we would bump into each other or try to meet up, that becomes an appointment to each other because we're both so busy.



"We realized how much catching up we need to do and how much we need to see each other, especially when I saw her pregnant with her first [child]. And I saw Sophia grow up to be the beautiful girl that she is now. After Sophia, it's Lily [Daphne's daughters with former The Correspondents host Patrick Paez]. There are so many events unfolding down in life. So every time something big happens, I always wish that I can be there."



Angel also told PEP (Philippine Entertainment Portal) that their new endorsement will be a sort of reunion for them since Cher is coming over to the Philippines for Olay Total Effects swapping event on August 29 at SM Megamall.



"We're both excited, we haven't seen her for a long time," said Angel.



Daphne added, "It's a reunion kasi F! started in 1999. And if you think about it, we really grew up [together], 'nene' pa kami noon, di ba? And now, may mga anak na, family. You know, Cher is an international newscaster, and Angel, of course, has her own achievements. You know, F! is not just a show to us, it was really a life back then. We were sharing... ang liit ng kotse natin noon, ng apartment. For me, it was really part of my life."



When the three of them get together, Angel said that there would be "a lot of catching up, a lot of time together." She added, "I've been looking at our out-of-town pictures because we had most fun when we went out of town, the pictures are really amazing. We'll probably run that during the reunion."



Daphne said, "We look forward to the togetherness. You know, we had fun, the three of us, like crazy times. And it's amazing that up to now, you know, we've moved on from F!... But when people come up to us, it's still F! that they remember. And it's so nice to be a part of something with three different girls, three different women, have grown on their own and can still be friends again."



Angel added, "And we were part of a lot other people's lives!"

di ako nakapagdala ng umbrella ella ella eh...

Actress G Tongi is back in Manila for two-month vacation

Glen P. Sibonga

Wednesday, July 15, 2009
11:04 AM








Balik-Pilipinas at balik-showbiz ang aktres na si G Tongi matapos ang halos dalawang taon ding hindi pag-uwi sa Pilipinas. Huling bumisita sa bansa si G last August 2007 pa.



Matatandaang mid-'90s nang unang makilala sa showbiz si G Tongi. Mula sa pagiging in-demand na commercial model at VJ, mas lalo pang naging active sa kanyang career si G nang mapasama siya sa ABS-CBN Star Circle Batch 1.



Matapos sumikat bilang si Gina sa hit youth-oriented show na Gimik, naging madali na rin para kay G ang pasukin ang pelikula.



Early 2000 nang sandaling iwan ni G ang showbiz para mag-aral sa abroad kung saan nakilala niya si Timothy Walters na pinakasalan niya sa Boracay noong February 19, 2005. Kasunod nito ay nanirahan na sa U.S. si G para bigyang priority ang kanyang role bilang asawa kay Timothy at ina sa dalawa nilang anak na sina Sakura Anne Marie (going on four years) at Kenobi Benjamin (going on two).



Last July 5, ang proud mommy na si G ay nagbalik-Pilipinas para sa dalawang buwang bakasyon bago siya magsimulang pumasok ulit sa University of California Los Angeles (UCLA), kung saan kumukuha siya ng kursong Communication Arts and Film.



BACK HOME. Sa live guesting ni G sa The Buzz last Sunday, July 12, masaya siyang winelcome ng kanyang kaibigan at co-host ng show na si Ruffa Gutierrez.



Matapos ng mga batian, kaagad tinanong ni Ruffa si G kung ano ang dahilan ng kanyang muling pagbabalik sa Pilipinas matapos ang may dalawang taon ding pagkawala.



"Actually, I'm on vacation from school. So, dalawang buwan akong nandito. Summer sa States, di ba? So, I'm off from school and at the same time mayroon mga projects. So, I came back to spend two whole months here," masayang sambit ni G.



Anu-anong projects ang aabangan ng mga tao kay G?



"Guestings. Then I'm doing Maalaala Mo Kaya and I have a couple of things in the works na still in negotiation, you know. Sana matuloy na siya. For sure you'll get to see me," sagot ni G.



ON BEING A MOM. Dumako rin ang interview tungkol sa dalawang anak ni G na sina Sakura at Kenobi. Ayon kay Ruffa, first time ito ni G na bumiyahe with her two kids, na walang kasamang yaya. Mabilis naman itong kinontra ni G sa pagsasabing wala talaga siyang yaya.



"Hindi, Ruffa, wala talaga akong yaya. Ako lang talaga," ani G.



Ikinagulat ito ni Ruffa kaya't naitanong tuloy niya kung paano nagagawa ni G na pagsabayin ang kanyang duties as a mother and wife sa iba pa niyang activities at work?



"Ginagawa ko lang. You know, I wake up in the morning, naka-schedule na lahat 'yan. Paggising ko, papakainin ko na yung mga anak ko. Tapos off na kami sa gym. After the gym, maggo-grocery na kami. Kasama ko sila all throughout my day. They're my road dogs," biro ni G.



LEADING MEN FOR NEXT PROJECTS. Napag-usapan din nila ang tungkol sa welcome party para kay G na inihanda ng kaibigan niyang si Tim Yap last July 11, kung saan muling nakasama ng aktres ang mga malalapit niyang kaibigan dito sa Pilipinas.



Ani Ruffa, for sure daw lahat ng mga tsismis sa showbiz ay naikuwento na kay G ng mga kaibigan nito. Kaya ang sunod na tanong nito kay G, kung makakapili siya ng leading man sa mga gagawin niyang projects, sino sa mga artistang lalaki sa Pilipinas ang pipiliin niya?



"Alam mo, marami nang bagong artista na hindi ko na masyadong kilala. Puwede ba si John Lloyd [Cruz]?" pabirong tanong ni G kay Ruffa, na ikinagulat ng host dahil nga sa intriga ng pagli-link sa kanila ni John Lloyd.



"Why not? Of course, puwede," ang tanging naisagot na lang ni Ruffa habang nagtatawanan ang mga tao sa loob ng studio.



"Nakasama ko na si John Lloyd, e," biglang sabi ni G. "Si Echo [Jericho Rosales] na lang. Si Diet [Diether Ocampo], nakasama ko na sa Gimik. Sino pa ba? Gusto kong makasama ulit yung mga nakasama ko na noong araw... Jomari Yllana, Richard Gomez. Pero siyempre, gusto ko ring makilala yung mga bago."



Biglang may sumigaw sa audience, "Si Piolo [Pascual]!"

"Ay, nakasama ko na si Papa P, nag-play siya ng stalker ko sa Gimik," pagsisiwalat ni G.



TAMPUHAN ISSUE. Nilinaw rin nina Ruffa at G ang tungkol sa dati nilang tampuhan noon.



"At siyempre sa mga nagtatanong kasi dati magkaaway tayo for some strange reasons. Pero ngayon po, bating-bati na kami ni G. So, wala talagang problema sa amin. Nagkabati na kami years ago. Nag-i-email na tayo ngayon, nagtatawagan. We always bump into each other. So, tapos na po yung isyu na yun sa aming dalawa," paliwanag ni Ruffa.



Dagdag pa ni G, "Oo naman. At saka Ruffa, the world is too small for enemies."



"We're moms now, right?" sabi naman ni Ruffa.



"Exactly! At saka we have the same circle of friends, you know. Napakaliit ng showbiz, bakit pa tayo mag-aaway?" wika ni G.

James Yap surprises Kris Aquino on their fourth wedding anniversary

Glen P. Sibonga

Wednesday, July 15, 2009
10:55 AM








Bagama't hindi na natuloy ang plano sanang mag-abroad ang mag-asawang Kris Aquino at James Yap para i-celebrate ang kanilang fourth wedding anniversary lasy July 10, nagawa pa ring sorpresahin ni James si Kris nang magbigay siya ng mamahaling regalo.



Last Sunday, July 12, ibinahagi ni Kris sa The Buzz ang naging sorpresa sa kanya ni James.



"When I got up to the room, in-on niya yung light sa closet. Tapos sinabi niya, parang ang ingay ng aircon, kasi bagong linis ang mga aircon. Tulog na si Baby James. Tapos sabi niya, halika. Tapos, nandun na, may malaking box na naghihintay doon.



"Yung mga kapatid ko ang sobrang na-happy kasi ikinuwento ko sa kanila. And they knew... Kasi parang, they all texted James to say thank you na 'pina-happy mo yung sister namin.' Sinabi ko, I really appreciate it, hindi because of the value. Although, sobrang bongga naman talaga. Ang parang sinabi ko, 'Thank you kasi inisip mo kung ano yung magpapa-happy sa akin.' So, I said thank you for that," pahayag ni Kris.



Hindi na ini-reveal ni Kris on air kung ano ang mamahaling regalo sa kanya ni James dahil baka raw magalit ang mommy niya kapag napanood ito at sabihin na naman na "very maluho" siya. Ang tanging sinabi na lang ng co-host ni Kris na si Ruffa Gutierrez ay ang kulay ng naturang regalo—pink.



Matatandaang July 10, 2005 sa tahanan ni Boy Abunda sa Quezon City naganap ang pag-iisang dibdib nina Kris at James in a civil ceremony. Taong 2006, masayang ipinagdiwang nina Kris at James ang kanilang first wedding anniversary sa tahanan nila. Sa second year of marriage naman nila last 2007 ay dumating sa buhay nila si Baby James. Last year, sa third wedding anniversary nila, isang sorpresang romantic dinner date ang inihanda ni James para kay Kris sa Edsa Shangri-La.



At ngayong taon, sa kanilang fourth wedding anniversary, isang regalo nga ang sorpresa ni James kay Kris. Hindi na sila nag-celebrate nang magarbo kasama na ang sana'y vacation trip sa abroad. Kasalukuyang nasa ospital kasi ang ina ni Kris na si dating Pangulong Cory Aquino dahil sa sakit nitong colon cancer.



CORY'S GUIDANCE. Sa loob ng apat na taon nilang pagsasama ni James, malaking bagay raw ang paggabay sa kanila ni Cory Aquino.



"May mga times na nagpa-fight-fight kami, ganun. Kasi sa kadaldalan ko naikukuwento ko pa sa mom ko 'yon. And then yung mom ko ang nagsasabi na, 'You have to pray, you have to work it out,'" kuwento ni Kris.



And for four years, mas naging matatag daw sila para sa isa't isa at marami raw silang natutunan ni James sa kanilang pagsasama.



"Sa kanya lang kasi ako puwedeng mag-breakdown nang husto," sabi ni Kris. "Siya yung nakaka-witness na bago matulog, umiiyak ako. Yung ganun, na parang wala naman siyang magawa kundi hinahaplos niya lang yung likod ko. Hinahayaan lang niya ako.



"In marriage, in partnership, when you see that your partner is weak, that's when you try to strengthen your partner. Or pag nakita mo na nalulungkot yung partner mo, mag-e-effort ka talaga na matulungan na mabawasan yung kalungkutan. In that sense, I think pareho kaming nag-mature talaga."



Paano ba siya sinusuportahan ni James sa difficult times sa buhay niya, lalo na ngayong nasa ospital ang ina niyang si Mrs. Aquino?



"We were there. He normally... Apart from practice also, he tries to spend all the time in the hospital with me and the kids. And then, 'pag sobrang ingay na ni Baby James... Kasi ang mom sinasabi, ang ingay ng maliit, nilalabas niya tapos ibinabalik.



"You know, collectively as family also, ang maganda siguro, we're all there for her. Presence talaga and just making her feel the love and conveying to her how much the love is. Ang sinabi lang ni James talaga, alam mo pinagpe-pray ko talaga na humaba pa ang life ng mom mo kasi kakampi ko siya talaga," sabi ni Kris tungkol sa closeness nina James at Cory Aquino.

Kris Aquino clarifies some details about her mom Cory Aquino's medical condition

Glen P. Sibonga

Wednesday, July 15, 2009
11:21 AM

article




Ilang bagay ang binigyang-linaw ni Kris Aquino sa The Buzz last Sunday, July 12, tungkol sa kalagayan ng kanyang ina na si dating Pangulong Cory Aquino, na ngayon ay nasa ospital pa rin dahil sa sakit nitong colon cancer. Ngunit hindi katulad ng emotional statement ni Kris last July 5, this time ay kalmado si Kris habang inihahayag niya ang kanyang saloobin.



"My sisters told me na I have to clarify a few things. Number one, kasi medyo mali yung ibang news reports na lumalabas about mom that she was the one who refused further medication and chemotheraphy. Mom has never refused. Klaruhin lang po namin 'yon. Kasi hindi lang kaya ng katawan niya at this point. Di ba, ang chemo parang kailangan malakas ka? So, hindi mo naman puwedeng ipilit to somebody who's very weak.



"Secondly, today, we had Mass in my mom's room, just the entire family with our family friends and si Father Arevalo. Mom received communion and when Father Arevalo said in the short Homily in the Mass, parang ang buong Pilipinas today collectively nagdasal for her, nag-Mass. Naluha ang mom, but I think it was tears of joy kasi parang yung feeling siguro na ang dami-dami talagang nagmamahal. Kasi we read all the text messages to her. We read the newspaper to her. Parang isini-share namin lahat ng goodwill and she knows na every meal that I'm there, talagang parang kulang na lang magpa-catering kasi sa dami ng nagpapadala ng food. Maraming-maraming salamat po!" mahabang pahayag ni Kris.



ROLLER-COASTER SITUATION. Aminado si Kris na mahirap talaga ang sitwasyon na ito para sa kanilang pamilya.



"You know, it's a roller coaster," sambit niya. "There are days talaga na naiiyak kaming lahat. There are days na humuhugot kami ng lakas. There are days like we just surrender everything to God. So, ang gusto ko lang hong ipaabot sa inyong lahat, kasi noong nag-announce po kami na may sakit ang mom, wala naman po sa mind naming lahat, at hindi kami ever pinapaniwala ng mga doktor na there's a cure. Because at this point, yung cancer ng mom, wala pa namang naiimbentong cure."



Pero hindi pa rin daw sila nawawalan ng pag-asa at patuloy silang sumasandig sa Diyos.



"But siguro like any other family, we wanted to try everything," sabi ni Kris. "And we must give my mom credit kasi she would always say, 'Ginawa ko naman ang lahat ng yun para sa inyo.' I think now kapag tumitingin ho ako and I look back, and I look at her now, sinikap niya yung lahat ng operation, yung lahat ng chemotheraphy, lahat ng gamot. It's not just for our family lang or for her children. But she did it for the Philippines. Siguro because nararamdaman din niya na tayo as a country, we're not yet ready to let her go. But we still need her very much. Pero siguro ang masasabi ko lang sa inyong lahat, hindi masama to ask for a miracle. To pray to God for healing, di ba?"



PRAYING FOR ACCEPTANCE. Nagdarasal din daw sila sa Diyos upang bigyan sila ng lakas ng loob na tanggapin kung anuman ang maaaring mangyari.



"Pero ang mas maigi yata na napapaniwala na sa amin at napatanggap na ng mga pari na close sa amin, na i-surrender na lang natin, di ba? I mean, give everything to God, because God is the one who would know what is best. Yung parang collectively siguro yung buong Philippines naman, you've been praying for mom to be healed. Thank you very much. But maybe, all of us should pray na... Kasi kami in the family ito, e. We pray, God give us acceptance. For what Your will is. Kung ano ang gusto mo, God, para kay mom, hayaan mo kaming lahat, not just her, but for the entire Philippines na matanggap natin yun. Kasi ako po, I'm there as much as I can. I leave for work, I go back.



"Nakikita ko po yung hirap na pinagdadaanan niya. Nakikita ko, her effort, like I know na alam niya na today magba-Buzz ako. Pinilit po niyang makakain ng cupcake. And I think she did that para maikuwento ko sa inyong lahat that she tried to eat. Because ayaw din niyang ma-disappoint kayo because she knew that all of you are praying for her. Pero siguro bilang mga... We all love her so much. So, the one who loves her the most is God, di ba?



"So, sana ibahagi natin or ibigay na natin sa Diyos. He would know. I mean, if tomorrow mom will get up, and will be cancer-free, that is God's will. But it's really up to God. And I think yun din ang feeling ng family namin. Yun ang ibinahagi ng mom. And siguro ang pinakaimportanteng nangyari, because of what she's going through, lahat tayo bumabalik sa Diyos, lalong lumalapit sa Diyos, lalong nagkakaroon ng pananampalataya," pahayag ni Kris.



GRATITUDE. At muli ay nagpasalamat si Kris sa lahat ng mga taong patuloy na ipinagdarasal ang kanyang ina at sa mga taong walang sawang nagbibigay ng suporta sa kanilang pamilya.



"Again, on behalf of our family... You can see di ba? Last weeek, I was reallly breaking down. But now I feel at peace because all of us just really say thank you to all of you. Alam n'yo ho talaga, kahit gaano kahirap ang mga pinagdadaanan namin, nabawasan talaga yung lungkot. Kasi alam namin, kasama namin kayong lahat.



"And one thing lang talaga, na sabi ni Mom before, na yung mga pinagdaaanan niya, she would not wish it even sa kanyang worst enemy. Pero siguro kahit na the worst enemy ng mom ko, would wish na yung outpouring of love na ibinibigay sa mom, maranasan nila kahit one percent noon. Kasi sobra naman po talaga yung pagmamahal na ibinibigay ninyo. Kaya thank you, Philippines. Thank you very, very much.



"Again, lahat ng mga Kapamilya po, for all the Masses you organized, thank you. Sa CBCP, sa lahat ng mga eskuwelahan, the Catholics, the Christians, the Muslims, everybody, thank you for loving my mom. You just don't know how much it means to us. Yung sinasabi na thank you to us for sharing my mom with you. Thank you for sharing your love for our mom, with us. Thank you," walang katapusang pasasalamat ni Kris.

AGB Total Urban Luzon TV Ratings (June 28-July 4): ABS-CBN's "Primetime Bida" trio rules

Erwin Santiago

Wednesday, July 15, 2009
05:41 PM







The "Primetime Bida" trio of ABS-CBN—Tayong Dalawa, May Bukas Pa, and Only You—prevailed over other programs in the latest survey of AGB Nielsen Phils. among Total Urban Luzon TV households for the June 28 to July 4 period.



Powerful drama Tayong Dalawa topped the list with 30.8 percent; followed by fellow Kapamilya soaps May Bukas Pa (30.3 percent) and Only You (29.1 percent).



GMA-7 weekday primetime shows Zorro (28.6 percent), Totoy Bato (27.4 percent), and 24 Oras (26.9 percent) took the fourth to sixth slots.



Kapuso Mo, Jessica Soho finished at seventh place with 26 percent, followed by TV Patrol World (25.3 percent), Eat Bulaga! (23.5 percent). Adik Sa 'Yo and Mel & Joey tied for 10th and 11th place with an identical 22.5 percent rating.



Three new programs entered the Top 30: GMA-7's Kung Aagawin Mo ang Lahat Sa Akin (No. 20) and All My Life (No. 21), and ABS-CBN's The Wedding (tied with Sharon at No. 25-26).



GMA-7 had 15 shows in the Top 30 programs, while ABS-CBN had 14 and TV5 had one. The Kapuso network is also higher than the Kapamilya network in terms of channel ratings (15.5 percent vs. 14 percent) and audience shares (38 percent vs. 34.2 percent).



Here are the Top 30 programs from June 28 to July 4, 2009 based on the survey of AGB Nielsen Philippines among Total Urban Luzon TV households:

1. Tayong Dalawa (ABS-CBN) - 30.8%
2. May Bukas Pa (ABS-CBN) - 30.3%
3. Only You (ABS-CBN) - 29.1%
4. Zorro (GMA-7) - 28.6%
5. Totoy Bato (GMA-7) - 27.4%
6. 24 Oras (GMA-7) - 26.9%
7. Kapuso Mo, Jessica Soho (GMA-7) - 26%
8. TV Patrol World (ABS-CBN) - 25.3%
9. Eat Bulaga! (GMA-7) - 23.5%

10-11. Adik Sa 'Yo (GMA-7) - 22.5%

10-11. Mel & Joey (GMA-7) - 22.5%

12. Rated K (ABS-CBN) - 22.3%

13. Imbestigador (GMA-7) - 21.9%

14. Talentadong Pinoy (TV5) - 21.5%

15. Maalaala Mo Kaya (ABS-CBN) - 21.3%

16. All Star K (GMA-7) - 21.2%

17. Boys Over Flowers (ABS-CBN) - 20.8%

18. Kap's Amazing Stories (GMA-7) - 20.6%

19. Bitoy's Funniest Videos (GMA-7) - 20.4%

20. Kung Aagawin Mo ang Lahat Sa Akin (GMA-7) - 20.3%

21. All My Life (GMA-7) - 19.8%

22. XXX (ABS-CBN) - 19.4%

23. Power of 10 (GMA-7) - 19.3%

24. The Singing Bee (ABS-CBN) - 18.7%

25-26. Sharon (ABS-CBN) - 18.6%

25-26. The Wedding (ABS-CBN) - 18.6%

27. Ngayon at Kailanman (GMA-7) - 18.4%

28. Wowowee (ABS-CBN) - 17.9%

29. Cinema FPJ: Batas Ng .45 (ABS-CBN) - 17.7%

30. Kambal Sa Uma (ABS-CBN) - 17.2%



Source: AGB Nielsen Phils.

Nikki Gil dismisses rumors saying that her relationship with Billy Crawford is now shaky

Melba Llanera

Tuesday, July 14, 2009
01:52 PM








Kung dati ay consistent sina Nikki Gil at Billy Crawford sa pagde-deny ng totoong estado ng kanilang relasyon, ngayon ay open na sila pereho sa totoong namamagitan sa kanila.



Inamin ni Billy na mula nang maging girlfriend niya si Nikki ay iniwanan na niya ang pagiging babaero, na naging issue sa kanya noon. Ngayon daw ay wala namang nai-involve na iba kay Billy kundi ang girlfriend lang niya.



But it seems that nothing is perfect dahil bali-balita na madalas daw ang pag-aaway ng dalawa ngayon. Isang bagay na agad namang nilinaw ni Nikki nang ma-interview siya ng PEP (Philippine Entertainment Portal) sa PLDT Boost Negosyo, kung saan pareho silang guest ni Billy.



"Saan naman galing 'yan? Ano naman daw ang pinagkakatampuhan namin?" nagtatakang tanong ni Nikki.



Pero aniya, "I think lahat ng relationships naman, mayroong mga ganyan. First and foremost, babae ako. Given na mas emotional ako, artist pa ako, mas weirdo talaga ako, e. Siya rin artist. But Billy is matured enough to know na pag nagmu-mood swings ako, hindi niya ako sasabayan. Pag hindi siya okey, hindi ko rin siya sasabayan.



"Hindi naman kami madalas nagkakatampuhan, mga small arguments lang. But one fact that I like about Billy, siya yung hindi patatagalin pa yung away. Parang yung mga maliliit na bagay na yun, marami kaming mga dapat problemahin kesa sa mga issues na maliliit lang naman."



Sinabi rin ni Nikki na maayos ang itinatakbo ng relasyon nila ni Billy.



"Okey naman kami," sambit niya. "We're enjoying our friendship and what we have right now. Siyempre, ayaw mo rin namang i-pressure ang sarili mo sa mga tao, sa mga iniisip nila. Ayaw din namin yung pressure na pinapanood yung relationship namin. We make it as normal as possible by dealing with the problems internally. Hindi namin hinahayaang lumabas pa.



"He's really great with that, when it comes to fixing problems. Ako, aminado ako na bata pa ako. I'm young and very emotional and nababalanse niya yun."



POSING FOR A MEN'S MAGAZINE. Usung-uso ngayon sa young actresses ang nagpo-pose for men's magazine. Pero kung bukas ang iba na gawin ito, it's a no-no for Nikki, kahit pa nga may mga offers siyang natatanggap.



"Mayroong offers pero natatawa nga lang kami. 'Uy, seryoso ba ito o niloloko lang ako kaya gusto nila akong kunin?' Kasi wala sa personality ko yun, although I have nothing against the girls who posed for it. Kung sexy sila, bakit nga ba hind, di ba?



"Ako kasi, hindi ko nakikita ang sarili ko na ginagawa yun. Parang hindi naman yun ang market ko to begin with. Siguro din, wala kasi akong lakas ng loob to do something like that. It's not my cup of tea. Kung puwede naman akong mag-host na nakadamit o kumanta na nakadamit, yun na lang," paliwanag niya.



Ikinukunsidera rin ni Nikki ang mararamdaman ni Billy bilang boyfriend niya kung saka-sakaling tumanggap siya ng ganitong klaseng offers.



"Dun na nga lang, malaking problema na yun," sabi niya. "Pero ako naman, when it comes to my career naman, bihira naman si Billy na makialam. Sinasabi niya yung point of view niya. But at the end of the day, it's still my decision. Kahit naman ang mga magulang ko, hands off sila. I'm 21, it's me, the management, and God running my career right now."



FLORINDA. Kasama si Nikki sa horror series na Florinda ng ABS-CBN, kung saan bida ang Diamond Star na si Maricel Soriano. Pero hindi raw alam ni Nikki ang status ng proyekto nila nang tanungin ng PEP kung totoo bang shelved na ito.



"I really don't know, hindi ko alam kung bakit di pa siya nae-air. Wala naman akong nababalitang ganun. But we finished it, tapos na yun," banggit niya.



Ayon kay Nikki, wala siyang mairereklamo sa itinatakbo ng lahat ng aspeto ng buhay niya ngayon.



"I have ASAP, Myx. I just finished doing a movie under Unitel with Marvin Agustin, it's 2999, love story siya. Nag-e-extra-extra ako sa And I Love You So nina Sam [Milby] and Bea [Alonzo] under Star Cinema. I'm also working with my third album. Parang dun ko ibubuhos lahat ng energy ko. When it comes to my personal life, happy naman ako," pagtatapos ni Nikki.